Indi na magpatiplang, kundi manindugan!

Ronald Ian Evidente | Sunday, January 23, 2011 at 11:33am | Sa tunga mabakud nga disposasyon sang unyon sa paghimakas para sa desente nga sweldo, seguridad sa trabaho kag kinamatarung sa pag unyon, mabakas gihapon ang Management kag mga ido-ido sini sa pagtiplang kag pagpatalang sang mga empleyado sang Ospital para labugayon ang pagpasabat kay Dr. Evangeline C. Johnson kag Tiong Bi, Hui, Inc. sa mga kautangan sini sa empleyado kag kuhaon ang pirma sang empleyado kontra sa Unyon.
 
BUTIG: Mang-retrenchment sila sa sunod bulan?
KAMATURORAN: Ang Ospital indi isa ka sari sari store nga kon gusto ni Dr. Evangeline C. Johnson  nga magpahalin sang empleyado ora mismo mapahalin nila ang ila empleyado. May due process kita nga ginasunod kag kinahanglan mag comply si Dr. Johnson kag Tiong Bi Hui, Inc. kon magpatuman sila sang rentrenchment.
 
BUTIG: Ma-change Management kay mahalin si COO Dr. Evangeline C. Johnson kag Deputy. COO Lucho Giron?
KAMATUORAN: Kon maghalin o resign sila tungod gusto nila talikdan ang ila responsibilidad sa mga empleyado, nagapabilin ang Tiong Bi Hui, Inc. bilang kumpaniya manabat o liable sa mga kaso sa labor kag kon ano man nga kaso criminal ang ipasaka pa sa ila. Kon magahalin sila, ang maga take over nga admin sang Tiong Bi Hui, inc., amo ang manalod sang ginbilin ni Dr. Johnson nga mga problema sa mga empleyado
 
BUTIG: Wala salabton ang bag o nga Admin  nga ma-take over sang Tiong Bi Hui, Inc.?
KAMATUORAN: Sila ang manabat sa mga kaso sa labor kag criminal kon sila maga assume sang kompaniya. Sa tunga sang butig sang Ospital nga nagakalugi sila, P3Million kada bulan ang hambal ni Dr. Evangeline C. Johnson nga ganansya niya sa conference niya sa mga Doctors para kumbinsihon sila nga maga assume. Wala pa ma factor in ang mga balayran sa SSS sa tanan empleyado asta pa sa 2013, balayran sa pending nga kaso sa labor cases, balayran sa mga supplyer kag iban pa nga liabilities nga ibilin ni Dr. Evangeline C. Johsnon sa ila.
 
BUTIG: Wasak na ang unyon kay terminated na ang mga lideres?
KAMATUORAN: Amo ina ang ginapaniplang sang mga ido ido ni Dr. Johnson. Wala pa sang pinal nga desisyon pa ang Korte Suprema nga legal ang pag-terminate sa 31 ka empleyado gani gina konsiderar pa sila nga employed sang kumpaniya kay nag-file pa sang kaso. Naga padayon pa ang Petition for Certification Election sa DOLE kag ginapaabot naton sa pinaka madali nga panahon ma release na ang order para sa election sang unyon. Kon wasak na ang unyon, ngaa mabakod gihapon ang aton nga tindog sang mga department sa Ospital panahon nga ginpapirma nila ang empleyado kag gingamit sa hearing sang DOLE ang mga pirma sang empleyado nga ginpang into kuno sang union amo nga nagpirma sila. Dugang pa sini, mas madamo pa ang nagapirma sang aton nge membership form.
 
Sa subong, napasaka na ang kaso sa National Labor Relation Commission (NLRC) ang Illegal Dismissal, Unfair Labor Practice, Money claims para sa backwages, wage differential, damages kag attorney’s fees. Wala labot sina, naga atubang ang Management sa 3 ka kaso sang illegal dismissal sa Linen department kag 2 ka Nurses nga nagkaso man sa ila sa NLRC. Ginatun-an man subong ang pagpasaka sang Estafa case kay Dr. Evangeline C. Johnson tungod sang non remittance sang 2010 SSS nga indi covered SSS Amnesty Program kon padayon sila nga magpakatig-a.
 
BUTIG: Pang guba lang ang ginahimo sang Unyon sa Ospital?
KAMATUORAN: Argumento lang sang pilosopo nga tawo sa plaza nga ginaguba sang Unyon ang Ospital. Ang matuod nagtindog na ang mga empleyado sa madugay na nga bayolasyon sang Management sa labor standards nga ginlapas sang Ospital idalum sa Administrasyon ni Dr. Evangeline C. Johnson. Ang matuod, wala pa nabayran sang Ospital ang ginpang-terminate sa canteen, ang ginapabula nila nga nagtipyok nga terminated sa ila kag ang retiree nga taga Linen Department. Wala kita naga guba sang Ospital tungod diri kita nagakuha sang aton pangabuhi-an kundi sila. Gani ang aton panawagan sa tanan.
 
IBALIK ANG ILLEGALLY DISMISSED EMPLOYEES!
MAGBOTO YES TO UNION SA CERTIFICATION ELECTION!
PASABTON ANG MANAGEMENT SA MGA KAUTANGAN SA EMPLEYADO!
UNION BUSTING, UNTATON!
BACOLOD OUR LADY OF MERCY SPECIALTY HOSPITAL EMPLOYEES UNION
Enero 2011