GABRIELA Mialma Batok Planong Pag-usbaw Sa Singil Sa Kuryente

BALITA - Marso 19, 2010 | DAVAO CITY- Nagpadayag ang militanteng pondok sa mga kababyen-an og pagsupak sa planong usbaw sa presyo sa singil sa kuryente gikan P15 hangtod 19 peso kada kilowatt hour.

Matud sa GABRIELA dili angayan nga ang katawhan ang magsagubang sa mahal nga presyo sa kuryente ilabina nga nga nagkagrabe na gayud ang kagutom ug kalisod nga ginasagubang sa katawhan.

Matud kang Nisa Opalla, tigapamababa sa GABRIELA sa Southern Mindanao angay nga atubangon sa gubyerno ang paghatag og subsidyo og mga angayang lakang aron dili ang katawhan ang mabug-atan sa planong pagpapatas sa singil sa kuryente.

Dugang pa ni Opalla, mabulahan lang ang mga dagkong langyaw nga kapitalista sa kuryenteniining pagtaas sa presyo sa kuryente ilabina nga dugayang gisalig na lang sa gubyerno ang atong industriya sa kuryente sa mga kapitalista.

Nananawagan usab ang GABRIELA nga hinanaling ibasura na sa gobyerno ang Electric Power Industry Reform Law  kon EPIRA Law tungod matud sa grupo mao kining hinungdan sa pagpapaspas sa pribatisasyon sa industriya sa kuryente sa nasud.

Nibahad ang GABRIELA nga dili kini magduhaduha ug pahigayon og dagkong protesta sa batok pagtaas sa presyo sa kuryente.#