Polyeto: Pagsaka sa Matrikula Atol sa Paglingkod ni Pres. Noynoy, Sugaton Nato og Protesta!

Sa milabay nga dekada, niabot na og gatos kapilo ang  pagsaka sa tuition fee, mao nga tataw nga ang  edukasyon usa na ka dakong negosyo ug dili serbisyo  alang sa minilyon ka mga batan-ong estudyante sa atong  nasud.  Sukad sa paglingkod sa rehimen ni Gloria  Macapagal-Arroyo niadtong 2001, misaka na og kapin  107.8% ang average tuition fee rate sa mga eskwelahan.  Sa Davao City, kapin kun kulang 10% ang gisaka sa  matrikula kada unit. Wala pay apil niini ang 300% nga  pagsaka sa matrikula sa University of the Philippines  nga P600 kada unit. Adunay 339 ka mga pribado nga  eskwelahan ug duha ka mga state universities ug  colleges ang nagpasaka og matrikula karong tuig.

Taliwala kini sa walay paglambo sa mga pasilidad sa  mga eskwelahan ug uban pang serbisyo nga ginabayran sa  mga estudyante. Dili ikalimod nga nitiurok ang  istandard sa edukasyon nga maoy magpahimakak sa  pagpanghambug sa mga eskwelahan nga nagpasaka sila sa  presyo sa matrikula aron kuno “molambo” ang ilang  pamaagi sa pagtudlo.

DATOS SA PAGSAKA SA MATRIKULA SA DAVAO CITY

NAGKADUNOT NGA SISTEMA SA EDUKASYON

Sa mga public schools hilabi na sa elementary ug  hayskul, aduna nay kapin 65 ka estudyante kada klase  nga moabot ug 3 ka shift kada adlaw tungod sa  kakulangon sa mga klasrum ug titser. Isa ka libro ang  gipasa-pasa sa tulo ka estudyante bisan pa nga daan na  kini ug kabungkagon na. Matud pa sa DepEd, sobra 749  pa ka classroom ang kulang sa mga pampublikong  eskwelahan dinhi sa Davao ug mas nagkadaghan ang mga  drop-outs. Kasagaran sa mag drop-out mao ang mga  batang lalake nga nagtabang na lamang sa panginabuhian  sa pamilya imbes nga mueskwela.

Ilalom sa rehimeng US-Arroyo, kapin 99.17% ang  gikonhod sa badyet para sa pagpalit ug mga bag-ong  facilities ug mga building alang sa mga state  universities and colleges-- gikan sa P2.92 bilyon  kadtong 2009 ngadto sa P24.21 milyon karong tuiga.  Matud pa sa 2010 nga Wallace report, “kapin P22  billion ang nasayang tungod sa overpricing sa mga  materyales. Ang mao nga kantidad sa kwarta makakaya na  magpabuhat og 4,500 ka classrooms o makapalit og 11  million ka lamesa o 440,000 ka computer. O dili kaya  makakaya na para patas-an ang suhulan sa mga  mantutudlo.”

Nagpamatuod lamang kini nga gibiyaan na sa  panggamhanan ang iyahang batakang responsibilidad nga  iseguro nga makaeswela ang tanang batang Pilipino.  Subay sa mando sa imperyalistang Estados Unidos,  gihimong negosyo ang edukasyon ug giwagtang ang  katungod sa tanang batan-on sa libre ug de-kalidad nga  edukasyon. Kung wala kay kwarta, wala kay katungod nga  mosulod sa mga tungha-an.

Wala pa diri nahuman ang kalbaryo sa kabataan. Sa  pag-implementa sa labor export policy, gipatuman ang  mga programa parehas sa “speak English policy” ug sa  paghatag og bili sa mga kurso nga “in-demand” sa laing  nasud nga kung asa daw susama sa mga produkto sa  merkado nga ginabaligya ang kaugmaon sa kabatan-onan  sa mga langyaw’ng kapitalista.

Ang mas nakapait ani, gipig-ot sa panggamhanan ang mga  estudyante aron dili kini mureklamo ug aron mabag-o  ang ilang kahimtang . Nitagos ang pasismo sa estado  diha sa eskwelahan. Sunod-sunod ang pagpanglutos sa  mga lider ug mga organisasyon sa kabatan-onan nga  maisugong nibarog sa ilahang katungod ug sa  kamatuoran.

Taliwala sa nagkadaghan nga ihap sa mga out-of- school-youth tungod sa kamahal sa kalasgutohon aron  lang maka-eskwela, nagbaguod usab ang ilang mga  ginikanan sa walay puas nga pagsaka sa presyo sa mga  batakang palaliton ug kaubos sa sweldo. Dungan pa  niini ang kanunay nga hulga sa demolisyon ug  kasegurohan sa pamuyo.

Ginaimplementa sa gobyerno ang komersyalisado,  kolonyal ug pasista nga sistema sa edukasyon aron  mahimong magpabilin ang pangkasamtangang kahimtang.  Usa ka sistema na kung asa mas musamot ang krisis sa  ekonomiya ug kita magpabilin sa dikta sa Imperyalista.

Pakigbisugan ang Katungod sa Edukasyon

Mahinungdanon nga iduso ang usa ka maka-masa,  makabayan ug siyentipiko nga sistema sa edukasyon aron  makab-ot ang tinuod nga kalamboan sa atong nasud. Wala  nay laing makasaligan ang kabatan-onan kon dili ang  panaghiusa ug makigbisog alang sa tinuod nga kagawasan  ug demokrasya diin maseugro ang libre ug de-kalidad  nga edukasyon alang sa mayoryang kabataan.

Sa paglingkod sa administrasyong Aquino, atoa kining  hagiton nga tubagon ang panawagan sa kabataan!  Kinahanglan mubarog kita aron isinggit ang katungod ug  interes sa kabataan ug katawhan.

Salmot sa dako nga martsa protesta karong June 30.

Stop Tuition and other fee Increases!

Dugang badyet sa edukasyon!Iduso ang maka-masa, makabayan ug siyentipiko nga  sistema sa edukasyon!